"قصــة أوجاعـــي"

الشاعرة ذكرى الغالي


السعودية
أضف لقائمة شعرائك المفضلين


"قصــة أوجاعـــي"
( القصيدة متوفرة حاليا بالنص فقط )

أرسل هذه القصيدة الآن إلى صديق



أنا ياهم ماشلتك جبرني اليأس والحرمان
كسرني حظي العاثر ظلمني بأول أعوامي


آلا ياهم جاوبني وش آخر رحلة الأحزان
وش آخر قصة أوجاعي وجرحي ونزف الآمي


أحس إللي وسط بحرك غرق ماينفعه إنسان
اصارع عاتي أمواجك واشوف الموت قدامي


تعبت ابحر مع أحزانك واهدي موجك الغضبان
دخيلك ياحزن إرحل وداوي خافقٍ دامي


أنا مليت من ظلمك ولاظنك علي شفقان
علامك ياحزن واقف مابين الفرح وأيامي


وش إللي راح من عمري وش الباقي من السلوان
قضى عمري وأنا مدري اطالع موقع أقدامي


زرعت الفرح بأوهامي صبرت ولانبت أغصان
تعبت انطر أنا الفرحه تعبت أركض ورى أوهامي






ذكرى الغالي

منتدى ركن الشباب