حاولت أن أعبر عما يجول بنفسي من مشاعر مستخدمه أسلوباً أدبياً راقياً أخص به ولا أعم
بعتذر للشعر كتاب ورواه
من زلل حرفي ومن قولٍ هزيل
ماتجد من حزم بعض إللي تراه
وماترى فيني سوى خلقٍ جميل
كل طيبٍ ماخذٍ مني حلاه
والردي ماله على مثلي سبيل
يامغلِّب حالك أرجوك إنتباه
إحسب حسابك ترى باعي طويل
هيه يا غادي ترى للناس جاه
لا تخادعني تقول إنك زميل
كل عاقل له بهالدنيا كماه
والذي ماله عقل ماله خليل
جيت لجل الشعر ما قصدي سواه
لو تبي غيره بتلقالك بديل
إنطلق في جو من مثلك غواه
ناس لو تسمع صدا الورقا تميل
لا توهم بي ترى خلفي دهاه
هم هل الصولات والسيف الصقيل
لو وصل شعري لعالي مستواه
مايغر المدح ذي الخلق الأصيل
زايد إعجابك بحرفي وش وراه
ما كتبته للرسايل والطبيل
آه من جهال هذا الوقت آه
مستحيل أرخي جناحي مستحيل
شاعرٍ كالنجم عالي في سماه
شامخٍ ماله في الساحه مثيل
وشاعرٍ خلف الحروف السود تاه
والقصد واضح ولايبغى دليل
ذكرى الغالي
منتدى ركن الشباب