ياجروح بالمحاني الدماء منها تسيل
لاتزيدي في عذابي مالك بصدري سعه
آه من هم بلاني وأحرق القلب بفتيل
والسبب حاقد أناني ساترته الأقنعه
إرتوى الحب وحناني ثم تنكر للجميل
لاقرابه لاحميه لارجوله تمنعه
كنت أظنه عز شأني وافي شهم أصيل
للأسف به خاب ظني وإنكسر قدري معه
كان فيه الله بلاني ألجمه مو مستحيل
ثْم أباشره بخطابي والطمه به واصفعه
روح (يافلان الفلاني) إكتشفت إنك (قليل
الحياء)..إن لم تصونه فأصنع إللي تصنعه
إبعد وفارق زماني لعنبو مثلك خليل
لوتبي ذلي فمالك غير رأسي تقطعه
إنت غصن للخيانه كل ماهبت يميل
والبلاء مثلك هجاني والرذايل منبعه
الهروج إللي تجيني بالقفى حمل ثقيل
دامني حره أصيله جاك ردي وإسمعه
إنت ماتسوى ترابي يالردي فكرك عليل
ماعليه من هروجك طبعك الله يقلعه
في الشوامخ وإنت داني إترك القول الهزيل
جعل يفدا المحصنات آلفين مثلك إمعه
مجاراة فريد القصيدة الشاعر محمد العمري
قصيدة صدى صوت الشاعرة ذكرى الغالي
ياسلام الله على ذكرى عدد ما جن ليل
والتحايا من صميم القلب جات مجمعة
قاف ذكرى صار له في القافية باع طويل
كل من شافه ولو ما هو ب شاعر شجعه
إيه يا ذكرى كم إنسان أجودي عود بخيل
صار ما يعطي وضيفه لو يجي ما يشبعه
كم عميل كان يحسن ظن قلبه في عميل
لكن اللي بان من عقب المعالي روعه
كم عشير كان ماله بين خلق الله مثيل
ضيّع المعروف واصبح في سراب المعمعة
كم بذا الدنيا عزيز وكم بذا الدنيا ذليل
كم كيان همه القاهر بلحظه زعزعه
هيه يا ذكرى تراء من يطرد المقفي هبيل
ينكسر قدره وتجتاحه هموم موجعه
خلي الماضي يولي وإبتدي عمر جميل
كنها قصة خيال ما ورآها منفعة
إرمي أوراق من الماضي لماضيها تشيل
خلي اللي يخدع الغالي زمانه يخدعه
كان يا ذكرى هموم وكان يا ذكرى عويل
بس هذا الوقت كل إنسان وضعه يقنعه
الزمن مهما عطانا كم يهدد بالرحيل
والبشر ذا حالها يا بنت دايم ضعضعه
ذكرى الغالي
منتدى ركن الشباب