آه ياكثر الآسى والقلب عالشّده صبور
عيت الدنيا الرديه تستوي لي بالتمام
ضاقت الدنيا بعيني وإختفى طعم السرور
مابقى للصبر فيني غير معنى الإنهزام
ظاميٍ قلبي لوصلك مابِترويه البحور
غايتي أبقى بقربك وأنعم بِحب وسلام
لاتمادى في عذابي ماعلى الخافق قصور
فيه مايكفيه من شوقٍ ومن وجد وهيام
ساكنٍ فيني غرامك فاق تعبير الشعور
انت ماتذكر زمان كنت لك غاية مرام
لايغرك يوم أكابر واطلب البعد بغرور
ولاتصدق إن عيني يوم في بعدك تنام
إنت لوتلمس غرامي تنصف إحساس السطور
كان عشنا حب واضح وإنجلى كل الغمام
لاتخليني أعاني مد لأشواقي الجسور
لوفقدتك ياحناني انكِسر واصبح حطام
لاتعذبني بهجرك جود عجل بالحضور
كيف يفرح في بعادك خافقٍ بك مستهام
إسعد أيامي بشوفك تنجبر كل الكسور
وإشعل شموع المحبه جدد عهود الغرام
لاتجادل في عتابك وانت أدرى بالامور
مايعوضني غيابك غير شوفك بالمنام
إنت في قلبي مكانك وانت لي ضي ونور
لك مقامك طاب فالك والغلا والإحترام
ذكرى الغالي
منتدى ركن الشباب